東京輕井澤之旅
2005年4月3日 - 10日
前言
好多人都問我點解又去日本? 原因真係好簡單, 當你帶著要喝奶奶的琪琪去旅行(即係要衛生), 又要有好多公園和兒童遊樂場(即係要散心), 仲要有好多購物街(即係要開心), 再加上有平價機票, 你叫我仲可以去邊? 其實這一次日本之旅對我們來說都幾特別, 不但是第一次坐新幹線, 也是第一次去"花見"! 其實日本地方都幾大, 仲可以有排玩.......
酒店
我們這一次住進一間好新的商務酒店, 訂房優惠價¥12,000一晚包早餐, 除了平靚正兼交通方便之外, 最大特色係有一張闊 160cm 的大床, 我們一家三口睡在一起剛剛好! 第一天到埗更見到 Howl's Moving Castle (卡爾的移動城堡) 在做宣傳, 好開心呀!
景點
1. 銀座 : 樓高 8 層的
FANCL SQUARE
及 APPLE STORE 都在此處,
還有百年老舖木村屋和鳩居堂, 有興趣的話值得一行
2. 輕井澤 (Karuizawa) : 坐長野新幹線由東京駅直達輕井澤駅下車, 只需 68 分鐘, 一出隧道連日本人都大吃一驚! 真係好凍呀, 我們都要立刻換上最強裝備應戰.
景色和瑞士有相似的感覺. 記得欣賞秀麗的風景之餘要早些吃晚飯, 因為一旦太陽下山,
真係又黑又冬, 唔係講笑!
3. 小諸 (Komoro) : 由輕井澤坐信濃鐵路要 25
分鐘, 一個鄉下小鎮竟然有一個懷古園遊園地, 琪琪玩了半天也不願走, 夠厲害未?
4. 上野恩賜公園 : 睇櫻花的熱點之一, 簡直係人山人海, 座無虛席, 如果你星期六日去, 一定迫過年三十晚行維園, 信不信由你.
5. 三鷹市宮崎駿美術館 : 唉! 如果你唔係宮崎駿大師的忠心死硬派 支持者(好似我), 可以慳番入場費及交通費去 shopping 好過啦!
6. 吉祥寺 : 由美術館沿著井之頭公園一路行, 大約 15
分鐘便到吉祥寺, 地方唔大但商品價錢比東京市便宜, 嘻嘻!
7. 橫濱 (Yokohama)
: Cosmo World
的機動遊戲真係好.......唔掂, 反而室內的電子遊戲機有我最鍾意的新宿警官和 Boxing, 正呀!
8. 秋葉原 : 由於小弟剛剛在去日本之前買咗 Apple Mac Mini, 所以一有空就第一時間跑去電腦店, 真係開心到無法形容! 所有最新電腦產品都放上一行行的貨架任你睇任你研究, 邊有好似香港咁小氣. 所以最後我都忍唔住買了些 Made in Japan 的特產, 價錢當然係好.......吸引啦!
9. 淺草 : 由於大老闆話好想去, 所以加入在行程之內, 結論只得一個 - 搵苯, 擺明全部都針對遊客的荷包而開天殺價, 睇下好啦!
感受
每一次重遊上野(Ueno), 總是百般滋味在心頭. 日光館依然是那麼殘舊(不明白當年為何有這麼多人會住這裡), 讚岐手打烏冬依然是那麼美味, 橫丁依然是有這麼多香港人.......@_@
燈謎
大家估下相片中的廣告是什麼? 不過今次估中無獎!
